Principal napatay amok na titser nag-suicide

SABOG ang ulo ng isang elementary principal matapos barilin ng guro na nagbaril din sa sarili sa Negros Occidental.

Patay agad ang biktimang si Jojit Gaudiel, 40, OIC-Principal ng Trinidad Elementary School sa Pontevedra, Negros Occidental dahil sa isang tama ng bala sa ulo.

Pagkatapos makompirmang patay na ang principal, nagbaril din sa sarili ang suspek na guro na si Harold Salas, 37, ng nasabi rin paaralan.

Sa imbestigasyon ng pulisya, habang nasa paaralan ay biglang nagwala ang suspek at tinutukan ng baril ang isang guro na si Nenita Delgado ngunit hindi pumutok at hinabol ang isang Mr. Espadera na mabilis nakapagtago.

Nagkataon na naroon din si Gaudiel at siya ang pinaputukan na naging sanhi ng kamatayan.

Masusing inaalam ng pulisya ang motibo ng krimen ngunit pinaniniwalaang may kaugnayan ito sa buhay pag-ibig ng suspek sa babaeng co-teacher. Sinasabing nakarating sa kaalaman ng mga magulang ng babae ang kanilang relasyon ngunit tutol sa kanya.

nina DANG GARCIA/BETH JULIAN