HATAW! D'yaryo ng Bayan hatawtabloid.com
HULI sa closed circuit television (cctv) ang pang-uumit ng dalawang kelot ng deodorant na umiiwas maakusahang may putok, sa Caloocan City, kamakalawa ng hapon.
Kulong ang mga suspek na kinilalang sina John Peralta, 16-anyos, ng Milagrosa Street, at Rucy Alforte, 18, ng Ipil Alley, kapwa ng Bagong Barrio, ng lungsod na nahaharap sa kasong pagnanakaw.
Batay sa ulat, dakong 3:40 ng hapon kamakalawa nang pumasok at nagkunwaring costumer sa isang convenience store kanto ng Benin at EDSA.
Pasimpleng isiningit ng dalawang suspek sa kanilang beywang ang tig-dalawang deodorant at wala silang kaalam-alam na kitang-kita sa cctv ang kanilang ginawa.
Nagmamadaling lumabas ang dalawa pero hindi sila pinakawalan ng sekyu at agad dinala sa himpilan ng pulisya. (rommel sales)
