NPD ops chief tepok sa ambush

PATAY ang isang opisyal ng PNP na si P/Insp.Romeo Racalde hepe ng Northern Police District  – Special Operation Unit matapos tambangan ng apat na armadong lalaki na sakay ng motorsiklo sa Hazer St., Brgy. Pansol, QC. (ALEX MENDOZA)

DEDBOL ang isang opisyal ng Philippine National Police (PNP) makaraang tambangan kamakalawa sa Quezon City.

Kinilala ang biktimang si Chief Insp. Romeo Ricalde, Jr., hepe ng Special Operations Unit ng Northern Police District (NPD).

Base sa ulat ng Quezon City Police District-Criminal Investigation and Detection Unit (QCPD-CIDU), naganap ang pananambang bandang 11 p.m. sa Hazer St., Brgy. Pansol,sa nabanggit na lungsod.

Sinasabing sakay ng kanyang SUV (NLI-902) ang biktima at papauwi na sana nang dikitan siya ng motorsiklo at saka paputukan ng ilang ulit.

Ayon sa asawa ng biktima, marami nang natatanggap na death threat ang opisyal bago naganap ang pagpatay.

Masusing imbestigasyon ang isinasagawa ng pulisya upang malaman kung sino ang may pakana sa pagpaslang.

(JETHRO SINOCRUZ)