Iniwan ng partner kelot nagbigti

BUNSOD ng pangu-ngulila matapos iwanan ng kanyang live-in partner, nagbigti ang isang 35-anyos lalaki kamaka-lawa sa Quiapo, Maynila.

Kinilala ni PO3 Marlon A. San Pedro ang biktimang si Melchor Lim, miyembro ng Sputnik Gang at naninirahan sa #111 Duecos St., Quiapo.

Ayon kay PO3 San Pedro ng Manila Police District Homicide Section, dakong 2:30 p.m. nang magpakamatay ang biktima sa ikalawang palapag ng kanilang bahay. Hu-ling nakitang buhay ang biktima dakong 7 a.m. nitong Sabado habang problemado sa paglalayas ng kanyang  live-in  partner ilang buwan na ang nakalilipas. Naiwan sa biktima ang 2-anyos nilang anak. Napag-alamang apat na beses nang nagtangkang magpakamatay ang biktima ngunit naisasalba ng mga kapitbahay.

(LEONARD BASILIO)