HATAW! D'yaryo ng Bayan hatawtabloid.com
NOONG nakaraang Sabado ay biglang inanunsiyo na last episode na pala ng Showbiz Inside Report o SIR at una raw kinausap ang hosts na sina Joey Marquez, Carmina Villaroel, Ogie Diaz, at Janice de Belen bago ang mga staff.
Kaya biglang nangarag ang mga staff dahil wala naman daw binanggit sa kanila sa nakaraang production meeting, ”bulagaan na lang” say sa amin.
Itong susunod na Linggo ay ang The Buzz naman ang magre-reformat dahil tsugi na sina Toni Gonzaga at Charlene Gonzales at kapalit sina Carmina Villaroel at Janice de Belen.
Ang katwiran ng bossing sa amin, ”kailangan ng mag-reformat, matagal na rin, eh.”
Nabulaga rin tiyak sina nina Toni at Charlene dahil kausap pa namin si Mommy Elvie Gonzales noong Miyerkoles ng gabi kung posible bang umapir ang anak sa ibang TV network at nabanggit na may kontrata nga sila sa ABS-CBN.
Kaya naman kahapon habang tinitipa namin ang balitang ito ay sinubukan naming i-text si Mommy Elvie tungkol sa kung ano ang kapalit na show ni Charlene, ” I don’t know yet, Reg,” maigsing sagot sa amin na halatang problemado.
Tinanong din namin kung kailan mag-e-expire ang kontrata ni Charlene sa ABS-CBN,”sorry, confidential,” tipid nitong sabi.
Halatang may pinagdaraanan si Mommy Elvie na manager din ni Charlene dahil sa sobrang tipid ng mga sagot nito dahil kapag masaya siya ay nakikipag-tsikahan pa sa amin at nangungumusta sa mga alaga naming aso dahil pareho kaming mahilig sa aso. (sa kanya galing sina Mocha (poodle) at Mudra (shitzu).
Samantala, tila hindi naman apektado si Toni kung mawawala siya sa The Buzz dahil magkakaroon siya ng sitcom kasama si John Lloyd Cruz kaya’t pansamantala muna siyang magbabakasyon.
Sabagay, katatapos lang naman ng The Voice of the Philippines, ‘di ba Ateng Maricris?(At malapit na rin naman ang PBB—ED)
Reggee Bonoan
