DBM sinugod ng KMU

Sinugod ng mga militanteng grupo ang tanggapan ng Department of Budget and Management (DBM) sa General Solano Street, San Miguel, Maynila.

Nagsagawa ng programa ang Kilusang Mayo Uno (KMU) sa harap ng tanggapan bilang pagkondena kay Secretary Butch Abad na tinawag ng grupo bilang ‘bagman’ ng pork barrel fund. Ani KMU chair Elmer Labog, mistulang implementor ang kalihim ng Priority Development Assistance Fund (PDAF) at Disbursement Acceleration Program (DAP).

Hindi aniya dapat ibigay sa mga mambabatas ang pondo dapat ay idiretso sa basic necessities ng taong bayan.