Isabelle, ‘di kilala ng tao (Sa launching ng isang produkto)

TALAGANG iba pa rin ang dating ng mga artistang malakas sa masa. Nasabi namin iyan dahil noong i-launch ng Bench ang kanilang huling scent, na ang main endorser ay si Isabelle Daza, may pumapalakpak naman pero hindi ganoon katindi.

Noong dumating ang nanay niya, ang dating Miss Universe at aktres na si Gloria Diaz, biglang nagkagulo ang mga tao. Lumakas ang palakpakan at dumami ang mga tao roon sa paligid ng Atrium ng mall na iyon. Noong una, hindi marami ang mga taong nakatayo sa railings sa itaas, pero nang dumating si Gloria, at ini-announce na naroroon siya, biglang dumagsa ang tao. Iba pa rin talaga iyong mga artistang malapit sa masa.

Ed de Leon