Sunday , October 17 2021

Dagdag-buwis sa petrolyo tuloy sa Enero (Suspensiyon binawi)

BINAWI ng administrasyong Duterte ang naunang  pahayag na suspen­dehin ang dagdag na buwis sa langis sa susunod na taon.

Sa ipinatawag na press briefing ng Depart­ment of Finance, inia­nunsiyo ni Finance Secretary Carlos Domi­nguez na itutuloy na ang pagpapataw ng dagdag na dalawang piso sa kada litro ng langis simula Enero 2019.

Katuwiran ni Domi­nguez, hindi nakikita ng Development Budget Coordinating Committee (DBCC) na may panga­ngailangan pang ipatu­pad ang suspensiyon ng pagbubudahil patu­loy na bumababa ang pre­syo ng langis sa pan­daigdigang pamilihan.

Binigyang diin ni Dominguez, dapat mau­nawaan ng publiko na ang pangongolekta ng pama­halaan ng dagdag na buwis sa langis ay hindi dahil gusto lang nilang mang-inis ng mama­mayan, kundi para pasig­lahin ang ekonomiya at ipantustos sa mga pro­yekto ng gobyerno na pakikinabangan ng ma­yorya ng mga  Filipino.

Ikinonsidera rin aniya ng DBCC ang matinding epekto sa kita at gastusin ng gobyerno para sa fiscal year 2019, kung itutuloy ang suspensiyon ng dag­dag-buwis sa produk­tong petrolyo.

Ayon kay Domi­nguez, kapag itinuloy ang suspensiyon sa pagpa­patupad ng TRAIN Law sa langis sa susunod na taon, magreresulta ito sa net revenue loss o pag­kalugi ng P43.4 bilyon para sa 12 buwang panahon, sakaling ipala­gay na ang average na presyo ng Dubai crude oil ay bababa a sa 65 dollars kada bariles sa 2019.

ni ROSE NOVENARIO

 

About Rose Novenario

Check Also

1,000 benepisaryo ng “Cash For Work” tumanggap ng 4k (Sa Parañaque City)

AABOT sa 1,000 displaced workers mula sa iba’t ibang barangay sa District 1 ng Parañaque …

shabu drug arrest

Live-in partners, isa pa timbog sa buy-bust

SWAK sa kulungan ang live-in partners at isa pa sa isinagawang buy bust operation ng …

Ilegal na troso nasamsam sa Bulacan

NAKOMPISKA ng mga awtoridad ang mga ilegal na troso mula sa apat katao sa isinagawang …

9 tulak, 2 pugante deretso sa hoyo (Sa 24-oras police ops sa Bulacan)

SUNOD-SUNOD na pinagdadampot ang siyam na hinihinalang tulak ng ilegal na droga at dalawang pugante …

2 tulak sa Nueva Ecija todas sa buy bust ops (Pumalag, nanlaban)

TUMIMBUWANG ang dalawang hinihinalang tulak ng ilegal na droga nang makipagbarilan sa pulisya sa ikinasang …

Leave a Reply