HATAW! D'yaryo ng Bayan hatawtabloid.com
ANG paliwanag ni Xian Lim sa tunay na estado ng relasyon nila ni Kim Chiu ay considered ng sila kahit hindi niya diretsong sinabing ‘oo’.
Sa ginanap na grand presscon ng The Story of Us kahapon ay ipinaliwanag ng aktor, ”before this presscon ay nag-apologize na po ako kasi baka mapagod na kayo sa naririnig n’yo na paulit-ulit na we’re happy, something special, it’s leveling, lagi na lang pong ganoon.
“Inunahan ko na po kayo ng sorry na sinasabi ko naman na hindi ako takot na aminin na mahal na mahal ko si Kim, hindi ako takot na halikan siya, hindi ako takot na ipakita sa lahat ng tao na mahal na mahal ko talaga si Kim.
“But at the same time, ‘pag sinabi natin sa lahat baka magkaroon pa ng komplikasyon, mayroong proper time, proper place para sabihin sa lahat ang relationship po namin.
“Ito lang po ang sa akin baka lang po maraming istorya na lumabas, may dagdag bawas, iyon lang po na baka may mangyaring masama kasi pino-protektahan ko lang. Hindi ko po binibigyan ng label po, I’m not opening it to the public.”
Tanging nasabi naman ni Kim, ”it’s the story of us na lang, basta masaya lang ako kasi si Xian is being himself.”
Salo ni Xian, ”basta ang istorya po namin ni Kim, nagmamahalan po kami, tapos na po sana rito.”
Ikalawang linggo na ang umeereng kuwento ng The Story of Us at maganda raw ang ratings kaya naman masaya ang buong team dahil inaabangan ang kuwento nina Macoy at Tin.
Marami rin ang nag-aabang sa New York City scenes ng KimXi dahil sabi nila na lahat daw ng magagandang tanawin sa nasabing bansa ay napuntahan nila at ipinakita sa The Story of Us.
Bukod kina Kim at Xian, kasama rin sina Aiko Melendez, Zaijian Jaranilla, Alyanna Angeles, Susan Africa, Gardo Versoza, at Zsa Zsa Padilla mula saStar Creatives.
FACT SHEET – Reggee Bonoan
