Angel, tuloy na ang paglipad bilang Darna

KUNG walang aberya ay ngayong araw ang alis ni Angel Locsin patungong Singapore para sa therapy niya sa spine at hanggang katapusan ng buwan siya mananatili roon.

In between ng therapy ay dadalo siya sa dalawang screenings ng Everything About Her, sabi ng aming source.

Puwedeng umalis si Angel dahil natapos na niya lahat ang tapings ng Pilipinas Got Talent Season 5 at sa Abril na ito magla-live na gaganapin sa Resorts World Manila.

Samantala, tinanong namin ang aming source kung anong update kina Angel at Luis Manzano, “wala eh. tahimik pareho, walang gustong magsalita.”

Tinanong namin kung sasamahan ni Luis si Angel sa Singapore, “ay hindi, iba kasama ni Angel. At saka busy si Luis, ‘di ba? Hindi naman siya puwedeng mawala ng matagal.”

At dahil tuloy-tuloy na ang therapy ng aktres cum judge ay tuloy na rin ang paglipad niya bilang si Darna, “sana makuha sa therapy, kasi siya talaga ang gusto ng lahat,” sabi sa amin.

Baka naman si Angel pa rin ang Darna pero may pagpapasahan na siya nito at ‘yun ang aabangan, tama ba Ateng Maricris?

FACT SHEET – Reggee Bonoan