HATAW! D'yaryo ng Bayan hatawtabloid.com
Hininto na pala ni Aaron ang panliligaw kay Yen Santos.
“Hindi ko na itinuloy kasi mas priority yata niya ang family niya binanggit niya sa akin. Hindi raw siya nagmamadali. Ako rin naman, hindi ako nagmamadali. Nandito lang naman ako, kaya nirespeto ko ‘yung sinabi niya sa akin,” kuwento ng binata.
Hinuli namin si Aaron na baka naman may ibang gusto si Yen kaya sinabihan siyang family ang prioridad niya.
”Wala naman akong alam, wala rin akong nakikitang sumusundo,” mabilis namang sagot sa amin.
Pero inamin ng aktor na mahigit pa sa magkaibigan ang naging relasyon nila ni Yen, ”not officially (kami) pero more than friends, more than best friends.”
At sa last taping day nga raw ng AOM ay, ”right after taking our last day in taping, hi-nug niya ako ng matagal. Parang siguro, pasasalamat na rin, nakasama ko siya sa show.
“At nagpasalamat din ako sa kanya dahil hindi siya mahirap na katrabaho, iyon din ‘yung pinaka-importante sa trabaho kasi, kung willing ‘yung katrabaho mo na gawin ‘yung proyekto.
“So far, hindi ako nahirapan katrabaho si Yen at nirerespeto ko kung ano iyong sinabi niya sa akin at hindi mawawala iyong friendship namin forever.”
FACT SHEET – Reggee Bonoan
