HATAW! D'yaryo ng Bayan hatawtabloid.com
NALOKA kami kay Coco Martin alyas Paloma sa aksiyon seryeng FPJ’s Ang Probinsyano dahil nakikipagsabayan kay 2015 Miss Universe Pia Wurtzbach.
Kung panay ang rampa ngayon ni Pia, panay din si Paloma para mahuli kung sino ang nasa likod sa mga dumukot sa mga babae para ibenta at ang latest nga ay sumali na sa beauty contest sa barangay nila.
Hindi kasi mahuli ni Cardo (Coco) si Lola Gets este Olga (Gina Pareno) kaya kinailangan niyang magpanggap na babae.
Pagkatapos madukot si Bela Padilla (Carmen) ay dinukot na rin si Dawn ng PBB 737 na nagtatrabaho sa department store kaya nagsuot na rin ng uniporme si Paloma bilang sales lady.
At sa episode ng Ang Probinsyano noong Lunes ay tawa kami ng tawa dahil akala namin ay simpleng long gown lang ang isusuot ni Paloma, abay dinaig niya si Pia sa head dress niya at kulay ginto pa kaya talbog ang koronang Blue Topaz ni Miss Universe.
Sino ba ang peg ni Coco sa pagiging babae niya?
Anyway, napapanood na kaya ni Julia Montes si Paloma? Parang masarap hingan ng komento ang Doble Kara star tungkol sa rumored boyfriend niyang si Coco.
FACT SHEET – Reggee Bonoan
