Ganti ni JPE

Ngayon pa lang, tiyak na masakit na ang ulo nina Pangulong Noynoy Aquino at Mar Roxas kung papaano nila sasalagin ang nakatakdang muling pagbubukas ng Mamasapano probe sa Enero 25.

Sa pagsisimula pa lang ng imbestigasyon, tiyak na lulutang ang mga pagkukulang ni PNoy sa Mamasapano massacre na nagresulta sa pagkamatay ng 44 miyembro ng Special Action Force.

Hindi rin makatatakas sa responsibi-lidad si Roxas sa nasabing hearing. Bilang dating pinuno ng DILG, malamang lumutang ang usapin sa ginawa niyang pagtatakip sa tunay na pangyayari sa nasabing masaker.

Malaking dagok ito kay PNoy at sa kandidatura ni Roxas kung magtutuloy-tuloy ang Mamasapano massacre probe sa Senado dahil maraming ‘baho’ ang ti-yak na sisingaw, at sa kinalaunan ang administrasyon ang masisisi at pananagutin.

Malinaw na karma ito kay PNoy.  Nga-yon pa lang siguradong nakangisi na si Sen. Juan Ponce Enrile na nakatakdang maglabas ng bagong impormasyon sa nasabing masaker. Isang malaking propaganda ito na pabor sa mga kalaban ng administrasyon. Hindi inakala nina PNoy at Roxas na muling mabubuksan ang kontrobersiyal na pagkamatay ng 44 SAF members sa Mamasapano, isang taon na ang nakararaan.