Gulo kapag tinanggal sina Grace at Binay  

KUNG talagang ipipilit na ipakulong si Vice President Jojo Binay at i-dis-qualify naman si Sen. Grace Poe, malamang na sumiklab ang gulo dahil hindi papayag ang libo-libong supporters ng dalawang kandidato na hindi sila makatakbo sa pagkapangulo.

Asahang mangyayari ang sunod-su-nod na mga rally at demonstrasyon kung hindi patatakbuhin sina Binay at Poe sa darating na eleksiyon.  Alam ng publiko na tanging ang kampo lang ni Mar Roxas ang makagagawa nito dahil sila ang nasa poder, bukod pa na sila rin ang may malawak na makinarya, koneksiyon at orga-nisasyon.

Nakatatakot na pangitain ang magaganap dahil malamang na makialam ang ilang grupo sa loob ng  PNP at AFP.  Ang usapin sa  SAF 44 ay hindi pa rin humuhupa at humihingi pa rin ng katarungan ang mga naulilang biktima ng Mamasapano masaker.

Hindi rin iilan sa loob ng AFP ang matamang nagmamasid ng kasalukuyang pampolitikang kaganapan at hindi maaaring hindi ito ‘gumalaw’ kung nasasalaula at naaabuso na ang karapatan ng taumba-yan.

Malaking problema ng administrasyon ni Pangulong Noynoy Aquino kung ang mga rally at demosntrasyon ay maganap at magtuloy-tuloy ang galit ng mamamayan, at hindi na niya ito mapipigilan lalo na kung meron nang makialam sa hanay ng AFP at PNP.