Panis ang endorsement ni Erap

WALA nang bisa o epekto ang endorsement ni Manila Mayor Joseph “Erap” Estrada. 

Kung naniniwala man ang ilang politiko na makatutulong sa kanilang kandidutura ang endorsement ni Estrada, puwes, nagkakamali sila.

Ang palpak na administrasyon ni Estrada sa Maynila partikular na ang patuloy na ginagawa nitong pahirap sa mga maralitang tagalungsod ay sapat nang bata-yan para matakot ang mga politikong may paniniwalang makatutulong sa kanila ang gagawing endorsement ng convicted sa plunder na pangulo.

Ang political endorsement ni Estrada ay maituturing na isang “kiss of death.”  

Imbes manalo ang isang kandidatong inendorso ni Estrada, malamang matalo lang sa darating na halalan.

Tulad ni Sen. Grace Poe, hindi na siya dapat umaasa pa sa endorsement ni Estrada. Walang silbi ang kanyang basbas dahil imbes makakuha ng boto baka lalong makasira sa kanyang pagtakbo bilang pangulo.

Makabubuting iwasan na nila si Estrada.  Dahil kahit uugod-ugod na, sobrang switik pa rin lalo sa usaping politika. 

Dapat matauhan na si Poe at makitang ginagamit lang siya ni Estrada dahil wala siyang makukuhang pabor dito.