Heart, handa raw maglakad nang solo sa kasal nila ni Chiz

OKEY lang daw kay Heart Evangelista na maglakad ng solo patungo sa altar. Isa raw iyong pagpapakita ng katapangan niya at kung paano niya naharap ang mga problema.

Kung si Heart ang masusunod, siyempre’y gusto niyang maihatid siya ng kanyang mga magulang subalit kung hindi raw makararating ang mga ito’y okey na lang din sa kanya.

“Actually ever since before, ‘yun naman talaga ang naging problema namin ng parents ko. It’s very hard for them to let go. So matagal ko na rin sinasabi, even in my previous interviews, na baka hindi sila pumunta. Siyempre may kaunting hope ako na dumating sila. But I’ve accepted that,” giit ni Heart sa isang interbyu.

“It is also big for me to walk na mag-isa kasi parang ‘yon na rin ang naging journey ko, na maging brave. Pinaninindigan ko ‘to and this is my lifetime choice. As a woman, this is where I will go,” dagdag pa ni Heart.

At dahil wala ang kanyang mga magulang, posibleng ang kanyang kapatid ang maghatid sa kanya para kay Sen. Chiz Escudero.

“Actually, they wanted to walk me down the aisle. Pero sinabi ko na daddy ko lang talaga ang gusto kong maglakad sa akin. So walang magre-replace sa kanya. Maglalakad ako pero sa bandang gitna, nandoon ‘yung mga kapatid ko. Sila ang magbibigay sa akin kay Chiz,” paliwanag ni Heart na ikakasal sa Balesin Island Club sa February 15.

ni Maricris Valdez Nicasio