HATAW! D'yaryo ng Bayan hatawtabloid.com
07POSITIBO sa bawal na gamot ang bilanggo ng New Bilibid Prisons (NBP) na suspek sa tangkang panggagahasa sa isang 8-anyos batang babae noong Enero 1.
Ito ang kinompirma ni Justice Secretary Leila de Lima batay sa ulat ni NBP officer-in-charge Supt. Richard Schwarzkopf.
Una rito, iniutos ni De Lima na idaan sa drug test ang 34-anyos suspek na si Norvin Domingo, itinuturo ng isang testigo na siyang kasama ng biktima nang pumasok sa banyo ng simbahan ng Maximum Security Compound, kung saan natagpuan ang bata na walang malay at walang saplot na pang-ibaba.
Miyembro ng Bahala na Gang at kakosa ng ama ng biktima si Domingo na nahatulang makulong ng apat na taon at dalawang buwan hanggang walong taon dahil sa kasong ‘robbery with intimidation’.
