NADAKIP ng mga awtoridad ang isang Russian national na nakatalang wanted person sa regional level sa Brgy. Centro, sa bayan ng Lal-lo, lalawigan ng Cagayan, nitong Lunes, 9 Pebrero.
Kinilala ng pulisya ang suspek na si alyas Andre, 52 anyos, isang negosyante, residente sa Valencia, Negros Oriental.
Nabatid na anim na buwan nang nakatala si alyas Andrew bilang wanted person ng PRO7 PNP at nahaharap sa walong bilang ng kasong paglabag sa RA 9262 o Anti-Violence Against Women and Their Children Act of 2004.
Nagmula ang warrant of arrest laban sa suspek sa Dumaguete City RTC Branch 31 na walang inirekomendang piyansa.
