Blue Eagles tinuhog ng Archers

TINUHOG ng defending champion La Salle Green Archers ang 88-86 panalo laban sa Ateneo Blue Eagles sa 77th UAAP men’s basketball tournament sa Big Dome.

Napana ng Archers ang six-game winning streak matapos buksan ang season ng dalawang sunod na kabiguan.

Dahil sa panalo ay nakisosyo ang Taft-based squad La Salle sa kanilang biniktima at Far Eastern University Tamaraws na may tig 6-2 win-loss record.

Kumana si Jeron Teng ng 21 points sa first half, 15 sa first quarter kasama ang anim na rebounds at limang assists para igiya ang DLSU sa panalo.

Nag-ambag din ng 18 points at 10 boards si Jason Perkins, May 11 points si Julian Sargent habang si Robert Bolick ay may dinagdag na 10 markers.

Nahawakan ng Ateneo ang bandera sa tres ni Gwayne Capacio, 75-73, 5:42 na lang sa laro.

Sumagot naman agad ang La Salle bago ang huling tabla ng laro sa 81 may 1:24 nalalabi sa basket ni Fonzo Gotladera.

Tumikada ng quick basket si Chris Newsome para sa Ateneo bago ang dalawang free throws ni Teng para sa 87-83 lead ng La Salle, 8.1 tikada.

(ARABELA PRINCESS DAWA