HATAW! D'yaryo ng Bayan hatawtabloid.com
ISANG Sabado bago ang State of the Nation Address (SONA) ni Pangulong Benigno Aquino III nitong Hulyo 28, nakasabat ng impormasyon si Senator Antonio “Sonny” Trillanes IV na mayroon umanong nagaganap na pagpupulong ang mga retired AFP at PNP generals at may whistleblower pa sa Max’s Restaurant sa M.Y. Orosa d’yan sa Ermita.
Isinusulong umano ng nasabing grupo ang RESIGN AQUINO NOW o RAN Movement at sabi ‘e siyang mangunguna sa pagpapatalsik kay PNoy.
Pero makaraang bulabugin ni Sen. Trillianes, parang lobong nawalan ng hangin ang nasabing grupo.
Hindi naman tayo maka-PNoy at lalong ayaw natin sa ginagawa ng administrasyon na para silang mga diyos-diyosan na pinadedesisyonan ang pondo ng sambayanan mula sa taxpayers’ money.
Pero hindi rin naman tayo pabor sa madugong kudeta. Ayaw natin ng walang kwentang pagbubuwis ng buhay.
Buti sana kung pagkatapos ng madugong labanan, ‘e isang bago at malayang gobyerno ang maibabangon ng mga nagtatangkang mag-KUDETA.
‘E kung magpapalit lang ng mukha at pangalan pero ganoon din ang sistema — BULOK pa rin ang ating gobyerno.
Sana lang, magkaroon tayo ng PINUNO ng bansa na kayang pangatawanan na ang tunay na centrepiece program ng gobyerno para sa tunay na pag-unald ay AGRIKULTURA.
At habang isinusulong ang tunay na pagpapaunlad sa AGRIKULTURA ay kayang magsabi sa Estados Unidos o sa China na hindi muna magbabayad ng utang panlabas sa loob ng ilang panahon kasi seryoso ang gobyerno na iahon sa kahirapan ang bansa.
Ginawa ito ng China, ng Vietnam, ng Nicaragua, ng Cuba at iba pang bansa na tunay na nagmahal sa kanilang kalayaan at soberanya.
Hindi kaya ito pwedeng gawin ng mga Pinoy?
Kung magkakaroon tayo ng tunay na kalayaan at soberanya, tiyak makikita natin kung paano kikilos ang sambayanan bilang isang bansa.
Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
