HATAW! D'yaryo ng Bayan hatawtabloid.com
MALALIMANG imbestigasyon ang isinasagawa ng Navotas City Police sa pamamaril at pagpatay sa dalawang lalaki habang lulan ng motorsiklo sa Navotas City.
Nadamay ang mag-amang sakay din ng motorsiklo.
Patay agad ang biktimang sina King Phillip Borja, 30, ng Governor A. Pascual St., Gulayan, Brgy. San Jose at Elisio Tana, 52, ng Buenaventura St., Brgy. Tangos, Malabon, sugatan at ginagamot sa Tondo Medical Center (TMC) ang mag-amang Apronio Andrino, 39, at John Nikol, 15, kapwa ng M. Domingo St., Brgy. Tangos.
Ayon kay PO2 Exequiel Sangco, magkaangkas ang mga namatay na biktima nang harangin ng mga suspek saka niratrat hanggang mamatay sa kanto ng M. Domingo at Buenaventura streets, Barangay Tangos.
Tinitingnan ng pulisya ang anggulong onsehan sa droga dahil kilala umanong drug pushers ang mga namatay.
(ROMMEL SALES)
