16-anyos dalagita niluray, pinatay sa Catanduanes (Naghuhugas ng pinggan sa ilog)

LEGAZPI CITY – Kalunos-lunos ang sinapit ng isang 16-anyos dalagita na makaraan halayin ay pinatay ng hinihinalang drug addict sa lalawigan ng Catanduanes.

Kinilala ang biktimang si Lyka Bermejo ng Brgy. San Andres, Pandan ng nasabing lalawigan.

Natagpuan ang bangkay ng biktima isang liblib na lugar na wala nang saplot at nagsisimula nang maagnas.

Ayon sa ina ng biktima na si Elsie, nagpaalam ang dalagita na maghuhugas ng pinggan sa kalapit sa ilog ngunit hindi na nakabalik pa.

Makaraan ang isang linggo, natagpuan ang naaagnas nang bangkay ng biktima sa nasabing lugar.

Sa teorya ng pulisya, inabangan ng suspek ang biktima saka ginahasa at pinatay. (BETH JULIAN)