VBank inilunsad ni Manong Chavit

PORMAL nang inilunsad ni senatorial candidate Luis “Manong Chavit” Singson ang VBank digital bank, isang digital platform na siguradong makapagpapabago ng landscape ng online financial transactions sa bansa.

Pangungunahan ni Manong Chavit ang paglulunsad ng VBank noong Linggo, 15 Disyembre, sa Bridgetowne Destination Estate sa Eulogio Rodriguez, Jr., Avenue, Ugong Norte, Quezon City.

Kasama ni Manong Chavit si veteran comedienne Ai Ai delas Alas sa paglulunsad.

Ang VBank digital bank ay isang digital banking platform na secure at seguradong makapagpapadali sa online transactions para sa mga Filipino tungo sa pagiging financial inclusive ng bansa.

Sa mga gagamit ng VBank, makapagbubukas na sila ng bank account sa pamamagitan ng app at hindi na kailangang pumila pa at magpasa ng maraming dokumento, at maaaring makapagpadala ng pera sa lahat ng banko at digital wallets.

Maaari rin itong gamitin sa pagbabayad ng mga bills at kahit bumili ng mga mobile loads.

Mayroong lampas 6,000 cash-in outlets nationwide ang VBank kasama na ang Tambunting Pawnshops, Puregold, at Alfamart kaya mas madali ang transaksiyon kahit sa malalayong lugar.

“Hindi lamang ito banking, ito ay inilunsad ko para mabigyan ang bawat Filipino ng kakayahan na makasama sa pagpapalago ng ekonomiya sa bansa,” sabi ni Manong Chavit na Number 58 sa Senate ballot.

“Gagawing posible ng VBank ang makapagbigay ng mabilis at madaling financial services kahit nasaan ka man,” dagdag niya.

Inianunsiyo rin ng senatorial aspirant ang “Manong Chavit’s 58 Days Milyon-milyong Papremyo” pa-raffle  na layong maipakalat pa ang magagandang features ng VBank.

Nasa 58 winners ang mag-uuwi ng P5,800 kada isa habang isang suwerteng winner naman ang makapag-uuwi ng P58,000 araw-araw at isang grand prize na P580,000 ang naghihintay para sa isang lucky user ng VBank sa 58th day.

Para sumali, i-download lang ang VBank app, gumawa ng account at sundan ang Facebook page ni Manong Chavit para sa mga updates.