MATABIL
ni John Fontanilla
IBINAHAGI ni Joshua Garcia na mayroon siyang acrophobia o fear of heights.
Sa isang interview nito ay inamin ni Joshua na sa recent vacation niya sa Vatican City sa Rome ay nakaramdamdam siya ng takot sa taas ng kanyang pinuwestuhan.
Kaya naman dahil sa takot nitong mahulog ay tumalikod sa view para makapag-selfie.
“Ang hirap pumose kasi ‘yung baba parang sobrang taas. Takot ako sa matataas na lugar. Dahan-dahan akong lumalapit, nakatalikod lang ako,” pagkukuwento ng binata.
At kahit may takot na naramdaman, nagawa naman nitong makapag-palitrato at super nag-enjoy naman siya sa kanyang pagpunta sa Vatican City.
Naikuwento din nito na mas gusto pa niyang pagbutihin ang pagiging aktor at thankful siya dahil nakakatrabaho niya ang mahuhusay na aktres sa kanyang henerasyon.
“Honestly speaking, I think mayroon pa akong ii-improve, kasi hindi pa ako nakakapag- explore sa mga iba’t ibang techniques pagdating sa acting.”
“So, I think mayroon pa and this is my 10th year in showbiz, so I think magandang regalo siya for me to learn more,” ani Joshua.
“Masasabi ko lang na masaya ako makakatrabaho ko sila, makaka-work ko ulit si Julia (Barretto) after a long time. Ngayon naman with Anne (Curtis). Matagal na siya sa industriya and working with them, I take it as blessing, “ pagtatapos ni Joshua.