HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
MARAMI ang nakakapansin sa magandang chemistry nina Kira Balinger at L.A. Santos sa hit ABS-CBNseryeng Darna. Kahit off cam ay iba rin ang samahan ng dalawa.
Si Kira si Luna samantalang si L.A. si Richard at kitang-kita na bagay sila. Katunayan, maraming netizens ang nagsasabing bagay sila.
Sa magandang pagtitingin nina L.A. at Kira on and off camera, may mga nagtatanong kung seseryosohin kaya ng dalawa ang kanilang screen team up? Ini-next level na kaya nila ito?
Kasi naman kahit sa kanilang social media posts, kapansin-pansin kung paano i-treat ni L.A si Kira, very special talaga.
Teka, si Kira kaya ang tinutukoy na mysterious girl sa mga Instagram post ni L.A. at sa interbyu namin sa kanya?
Kakaiba kasi ang glow ni L.A nang makausap namin ito at nabanggit niyang may nagpapangiti sa kanya. Bagamat ayaw niyang sabihin kung sino iyon, marami ang nagsasabing tila si Kira nga iyon.
Sa ngayon, walang kompirmasyon kina LA at Kira sa totoong status ng kanilang special friendship. Kaya for now, nakaabang ang mga Marites kung later on ba ay aamin na rin sila.
Well, walang masama kung magkamabutihan sina LA at Kira, anyway pareho naman silang single at bagay na bagay talaga sila.
