Sa Bulacan
MRT-7 PLANONG ILARGA HANGGANG SA 2 BAYAN 

BUKAS ang Department of Transportation (DOTr) para i-extend ang construction ng Metro Rail Transit-7 (MRT-7) sa dalawa pang munisipalidad sa Bulacan.

Pahayag ni DOTr Undersecretary Cesar Chavez sa House Committee on Transportation, maaaring maabot ng railway ang mga bayan ng Sta. Maria at Norzagaray na parehong malaki ang populasyon.

Bilang tugon ito sa tanong ni 6^th Bulacan District Representative Salvador Pleyto, Sr., kung may kapasidad ba ang gobyerno na maabot ang dalawa pang bayan sa kanyang distrito.

Ayon kay Chavez, pinaka-realistic na paraan para maisagawa ito ay ang posibilidad na i-extend ang MRT-7 mula sa San Jose del Monte hanggang Norzagaray at Sta. Maria.

Ang MRT-7 ay proyekto ng San Miguel Corporation sa ilalim ng Public-Private Partnership (PPP) na nagkakahalaga ng P77 bilyon. (MICKA BAUTISTA)