Saturday , May 10 2025
Nic Galano

Newbie singer Nic Galano desididong magkapangalan sa showbiz

ni Glen P. Sibonga

MASAYANG hinarap ng baguhang singer na si Nic Galano ang press kahit na aminado siyang kinabahan noong una dahil solo presscon niya iyon hindi tulad noong unang i-launch sila na kasama niya ang co-artists niya sa ARTalent Management.

Medyo nakaka-pressure nga po kasi solo ako ngayon, ako lang po ‘yung tinatanong kasama po ang manager ko na si Doc Art (Cruzada). Kinabahan po ako noong una kung ano po ‘yung itatanong sa akin. Pero salamat po sa inyong mga press kasi naging mabait po kayo sa akin kaya naging komportable na rin po ako sa pagsagot kahit na medyo matipid pa rin po ang mga sagot ko,” nakangiting sabi sa amin ni Nic.

Pero ang kahanga-hanga kay Nic kahit na napakamahiyain niya at simple kapag kinakausap, kakaibang Nic naman ang mapapanood mo kapag kumakanta at nagpe-perform na siya. Tanggal ang hiya at bigay-todo ang performance niya. Lumalabas talaga ang husay niya sa pagkanta. Magaling din siyang kumonekta sa audience lalo na pagdating sa eye-to-eye contact sa mga manonood. Very charming pa.

Ayon kay Nic, binabawasan na niya ang pagiging mahiyain dahil desidido siyang magkaroon ng pangalan sa showbiz lalo na sa larangan ng pagkanta.

Kasi po kailangan kong humarap sa maraming tao at kailangang kong makipag-interact. Siguro po unti-unti ay masasanay din po ako. Ayoko po kasing sayangin ang opportunity na ito para makilala ako sa showbiz bilang magaling na singer at performer.”

Kaya naman lubos ang pasasalamat ni Nic sa kanyang manager at sa lahat ng bumubuo sa ARTalent Management sa pag-aalaga sa kanya.

Kay Doc Art na napakabait sa akin, thank you very much po. Marami po siyang plano hindi lang sa akin kundi sa iba pang artists ng ARTalent. Mahal ka po namin. 

Nagpapasalamat po ako na napasama ako rito sa ARTalent. Naniniwala po ako na matutulungan ako ni Doc Art sa aking music career. At matutulungan din niya ako sa aking physical appearance at personality,” ani Nic.

Bukod sa pagiging singer ay composer din si Nic. Sa katunayan, nai-perform na niya ang sarili niyang komposisyong Tayong Dalawa nang mag-guest siya sa programang Letters and Music ng NET25.

Gusto ring pasukin ni Nic ang pag-arte kung mabibigyan ng pagkakataon. At ang gusto niyang makapareha sa isang project ay si Catriona Gray.

Samantala, naghahanda na si Nic para sa kanyang kauna-unahang concert na gaganaping sa Music Box sa August 11. Siyempre makakasama niya ang iba pang ARTalent artists na sina Dene Gomez at Trinity Band plus surprise guests.

About Glen Sibonga

Check Also

Ralph dela Paz

Ralph Dela Paz sunod-sunod ang proyekto

MATABILni John Fontanilla SUNOD-SUNOD ang pelikula ni Ralph dela Paz matapos bumida sa advocacy film …

Alden Richards Tom Cruise

Alden Richards sobra ang katuwaan nang makita si Tom Cruise  

MATABILni John Fontanilla KITANG-KITA ang katuwaan kay Alden Richards nang makaharap ng personal ang  Hollywood …

Lani Misalucha

Lani balik-concert stage para sa isang timeless music at artistic excellence

SHOWBIZ KONEKni Maricris Valdez MAITUTURING na grand comeback ang pagbabalik sa concert scene ng Asia’s …

Yul Selvo

VM Yul Servo Nieto patok sa serbisyo at tapat sa tungkulin, tunay na alas ng Maynila!

ALAM MO NA!ni Nonie Nicasio SA GITNA ng ingay ng politika at walang humpay na …

Dennis Trillo Rhea Tan Beautederm Belle Dolls

Dennis okey lang mag-endoso ng beauty product; Rhea Tan puring-puri kabaitan ng aktor

SHOWBIZ KONEKni Maricris Valdez OPISYAL na ipinakilala ng President/CEO ng Beautederm, Ms Rhea Anicoche-Tan ang bagong ambassador ng Belle …