Wilbert Ross sumabak na rin sa paghuhubad

SHOWBIZ KONEK
ni Maricris Valdez Nicasio

HINDI nagdalawang-isip si Wilbert Ross na tanggapin ang Boy Bastos ng Viva Films kahit may matitinding hubaran at lovescene siya sa pelikulang ito na pinagbibidahan din nina Rose Van Ginkel, Jela Cuenca, Andrew Muhlach, Bob Jbeili, at Rob Guinto.

Ani Wilbert, tinanggap niya ang project dahil nagustuhan niya ang kanyang karakter bilang si Felix Bacat Cabahug.

Inamin din niya na game na game siyang sumabak sa hubaran at pakikipag-love scene.

“Noong nabasa ko ‘yung script, tinanggap ko ng buo ang karakter ni Felix Bacat kasi alam kong maganda ang project.

“Kinabahan ako sa mga sex scene bilang Felix at bilang Wilbert. Parang kinakabahan ang karakter ni Felix, kinakabahan din si Wilbert.

Sinabi pa ng Kapamilya actor-singer at songwriter na magpapakita siya ng kung ano-anong bagay.

“Pero satisfied ako sa ginawa ko. Wala akong regrets dahil alam kong kailangan siya sa eksena.

“‘Yung mga nakitang paghuhubad, may purpose kung bakit ko ginawa, so walang reason para tanggihan ko ang ‘Boy Bastos,’” katwiran pa ni Wilbert na idinirehe ni Victor Villanueva ang pelikula at mapapanood na sa February 18.