HATAW! D'yaryo ng Bayan hatawtabloid.com
TUMANGGING gumawa ng teleserye ngayong pandemya si Bea Alonzo at mas gusto muna nitong pagtuunan ng pansin ang pagba-vlog na in fairness ay malakas dahil ang house tour part 1 niya ay umabot na sa 3.5M views at ang part 2 ay 1.5M views.
Ang kaka-post lang niyang Ask Bea ay mahigit ng 400k views.
Feeling namin ay nag-e-enjoy si Bea sa ginagawa niya kaya saka na muna ang paggawa ng teleserye.
Pero baka mabago ang plano niya kapag may movie project siyang kasama si Alden Richards na puwede pang gumawa ng pelikula sa Star Cinema.
Yes, inamin mismo ni Bea na pangarap niyang makasama sa pelikula ang GMA artist dahil nagkakilala na naman na sila dahil nagkasama ang dalawa sa isang shampoo TVC shoot na ginawa sa ibang bansa.
Sobrang nagustuhan ni Bea ang ugali ni Alden dahil napakabait at propesyonal. Ito rin ang kuwento noon ni Direk Cathy Garcia-Molina sa aktor noong nagkatrabaho sila sa pelikulang Hello, Love, Goodbye, 2019 kasama si Kathryn Bernardo na isang monster hit dahil tinalo nito ang number 1 movie noon ng Star Cinema na The Hows of Us.
Sabi nga ni Bea sa kanyang vlog, “Sana magkatrabaho kami. Wish ko rin na mangyari ‘yun. He’s such a nice person. I’ve worked with him, sobrang bait. Hindi lang siya, pati ‘yung team niya. I had the best time with him. I think he’s a very, very good actor. Napanood ko ‘yung ‘Hello, Love, Goodbye.’ Sobrang galing nila ni Kathryn (Bernardo).”
At si Alden ay ito rin pala ang pangarap, ang makasama ang isang Bea Alonzo sa pelikula.
So, Star Cinema, puwede ‘di ba?
FACT SHEET
ni Reggee Bonoan
