Digital series nina Enchong at Erich, kaabang-abang

PAREHONG aktibo sa kani-kanilang vlogs sina Enchong Dee at Erich Gonzales at maganda ang tandem nila kapag magkasama sila kaya naisip nilang mag-collab.

Ito ‘yung sinasabi ni Enchong na susubukan niyang gumawa ng digital series pero hindi muna niya binanggit kung sino ang kasama at heto habang isinusulat namin ang balitang ito ay ipinost na ng aktor sa kanyang IG account na si Erich nga ang makakasama niya.

“I’m proud to announce that @erichgg and I are launching our very own channel under @enrichoriginals that will produce original series in different digital platforms we listened to you guys and the fruits of our labor will soon be available to you for FREE. For more details, subscribe to our enrich originals YouTube channel as early as now.”

Ang nakaraang Fun Car Raid with Enchong ni Erich ay umabot sa 1M views at ang A Day in my Life with Enchong na ipinagluto siya ng aktres ay nasa 666k views na.  Samantalang business meeting pala nila iyon para sa digital series nila.

Kaabang-abang ang ipo-produce na digital series ng Enrich Originals at curious kami kung sino ang direktor dahil marunong magdirehe ang aktres, hindi nga kaya?

FACT SHEET
ni Reggee Bonoan