Pari sinuntok ng varsity cager ng Adamson’s Falcons

HAWAK ng Manila Police District – General Assignment and Investigation Section (MPD-GAIS) ang varsity player ng Adamson Uni­versity matapos itulak at suntukin ang isang pari sa loob ng gym ng esku­welahan sa Ermita, Maynila.

Kinilala ang varsity cager na si Papi Sarr, 28, Cameron national, nanu­nuluyan sa Falcon Nest., Adamson Uni­versity sa San Marcelino St., Ermnita.

Ayon sa ulat, nag­karoon ng pagtatalo ang university athletic director na si Fr. Aldrin Suan at si Sarr, na kumukuha ng sports management sa nasabing unibersidad.

Sa salaysay ng pari, kasalukuyan siyang nanonood ng tune-up ng laban ng AU at Perpetual University team nang dumating si Sarr.

Dito umano iniabot ni Fr. Sarr ang kanyang dismissal letter na labis na ikinagalit ni Sarr.

Nagawang suntukin sa dibdib ng cager ang pari saka kinuwelyohan sabay sabi sa harap ng mara­­ming tao ang kata­gang “who are you to do this to me.”

Si Sarr ang tumatayong import ng Adamson University.

Dito dumating ang kapatid ng dayuhan na si Abdul Asis Sarr, na sinigawan din ang pari.

Hanggang inawat ng ibang player ang magka­patid, saka nagsidatingan ang iba pang naka­tala­gang security guard na tumawag ng responde sa MPD Ermita Police Station (PS5), saka ipina­sa sa MPD-GAIS. (VV)