Nat’l ID system ipatutupad ngayong taon

POSITIBO si Budget Secretary Benjamin Diokno na ang pa­nukalang national ID system ay maipatutupad ngayong taon kapag ganap nang naging batas.

“I think we can do it in one year … This will be up and running in one or two quarters,” pahayag ni Diokno sa mga mamamahayag sa breakfast forum sa Maynila, nitong Miyer­koles.

Nais mabatid ng Filipinas kung paano nagawa ng India na i-cover ang mahigit isang bilyon katao sa kanilang national ID system sa loob ng tatlong taon.

“India has a population of 1.4 billion and they were able to do it in three years, and we have a population of 100 million. So, I believe we can do it in one year,” ayon kay Diokno.

Umaasa siyang ang panukala sa national ID system ay maipapasa bilang batas sa susunod na linggo.