HATAW! D'yaryo ng Bayan hatawtabloid.com
PISAK ang katawan ng isang 13-anyos binatilyo makaraan masagasaan ng truck nang mahulog habang naglalambitin sa nasabing sasakyan sa Malabon City kamakalawa ng hapon.
Kinilala ang biktimang si Mark Harold Ba-tula, Grade 7 at residente ng 30-7 Camia St., Brgy. Maysilo, hindi na umabot nang buhay sa Pagamutang Bayan ng Malabon.
Nakapiit na sa him-pilan ng pulisya ang truck driver na si Rene Bajar, 39, ng M.H. Del Pilar St., kanto ng Tongco St., Brgy. Maysilo.
Sa imbestigasyon ni SPO1 Arnel Sinahon, ng Malabon Police Traffic Unit, dakong 2:00 pm, nakita ng saksing si Julito Macalinao, 13, ang biktima habang naglalambitin sa kanang bahagi ng Isuzu dump truck (RJG-264) na minamaneho ni Bajar.
Habang tinatahak ng truck ang kahabaan ng M.H. Del Pilar St. ay na-kabitaw ang biktima kaya nahulog at nagulungan ng nasabing sasakyan.
(ROMMEL SALES)
