HATAW! D'yaryo ng Bayan hatawtabloid.com
PUSH NA’YAN
ni Ambet Nabus
GAYA ng ibang celebrities na natsismis na buntis nang dahil lang sa maling anggulo ng picture, mabilis ding nag-deny si Janine Gutierrez nang siya ang latest na biktima nito.
“Fake news,” ang naging sagot niya sa pinag-usapang post ng isang netizen saying, “sabi sa balita buntis daw si Ate Janine? Pero ‘di naman siya mukhang buntis dito,” kalakip ang latest photo ng aktres.
Ang pinag-usapang litrato na na-i-post ni Janine noong March 9 sa kanyang IG account ay ang pagdalo niya sa kasal ng isang close friend na sa suot ang ‘blue halter dress’ na tila “tumaba” nga ito.
Sa comment section ng naturang thread, ipinagtanggol ng marami ang tila pag-gain ng weight ni Janine, taliwas sa mga nakalipas niyang pictorial at photo shoots na napaka-seksi nito.
Simula nang maging girlfriend siya ng magaling na aktor na si Jericho Rosales, hindi na rin nawala ang mga tsismis na ‘nabuntis’ siya nito. Pero ang mga ito’y pawang tsismis lamang lalo’t sa estado ng kanilang relasyon ay tanggap na tanggap ang aktor sa pamilya ni Janine at nangako itong hindi mangyayari ang “buntisan” ng hindi muna nagpapakasal.
Meanwhile, kasalukuyan ngayong abala si Janine sa shooting ng bago niyang series sa Netflix, ang Balaraw kasama si Charlie Dizon. Kapwa ipinagmamalaki ng dalawang Best Actress winners ang role nilang may “sapphic relationship,” (sexual attraction/relationship between women) na naka-encounter ang ilang super natural forces.
Isa itong horror-thriller series na mapapanood ngayong September sa Netflix.
