Dylan Menor bucket list makapaglaro ng basketball sa Araneta

PUSH NA’YAN
ni Ambet Nabus

SANDALI naming nakahuntahan si Dylan Menor after the event.

Kahit natalo sila ng one point ng mga kaibigang artists, hindi na raw niya makalilimutan ang pangyayari lalo’t natupad na naman ang isa mga childhood dream niya.

“Grabe, I could not be happier and more satisfied. Bata pa lang ako ay pangarap ko nang makatuntong sa court ng Araneta, makapaglaro, mag-dribble ng bola and be with this kind of crowd. Very surreal, pero I am so happy,” sey pa ng bidang aktor ng Project Loki  sa Viva One.

Kinarir din naman nila ang paglalaro dahil bukod sa may panahon sila to train with the professional coach and other cagers, “we were seriously giving fun to the fans. Ang sarap lang ng feeling na para kaming mga tunay na basketball players inside the court,” anito.

For now ang Project Loki nga ang pinagkakaabalahan niya and come Holy Week, dito lang siya at pamilya niya sa Pilipinas. Ito na rin ang panahon para sa kanya na magnilay-nilay at makapagpahinga ng isa o dalawang araw.