HATAW! D'yaryo ng Bayan hatawtabloid.com
PUSH NA’YAN
ni Ambet Nabus
NAGING pasabog para sa mga tagasubaybay ng Sang’gre ang mga latest ganap sa series.
Talaga namang marami ang nagulat sa mga ganap sa mundo ng Encantadia. Matapos ang matapang na pagtanggi ni Terra (Bianca Umali) sa tukso ni Gargan (Tom Rodriguez), tuluyan nang binawian ng buhay si Terra.
Sey ng mga netizen sa mga naganap na laban “The best fighting scene and death scene ‘Encantadia Chronicles’ has ever made”.
Dagdag pa ng isang tutok din sa serye, “Gaya ni Sang’gre Amihan bago siya mamatay, inialay niya ang kanyang buhay para sa buong Encantadia. Naawa nga ako kay Terra kasi mamamatay siya huhuhu. But she is the best fighter Girl.”
Pahulaan naman kung tuluyan na nga bang sasanib si Gaiea (Cassandra Lavarias) habang hawak naman ni Gargan ang kaluluwa ni Terra? Hindi naman matanggap nina Adamus, Flamarra, Deia, at mga Kambal Diwa ang sinapit ni Terra sa kamay ni Gargan.
Samantala, lumalalim ang mga intriga sa Sapiro at Hathoria. Totoo nga bang may mas malaking digmaan na paparating?
‘Yan at marami pang iba ang dapat abangan sa Encantadia Chronicles: Sang’gre sa GMA Prime.
Balitang may bagong ginagawang project si Bianca kaya’t kinailangang tsugihin na siya sa series. Magbabalik-romcom daw ang magandang aktres kasama ang ilan pang mga bagong Kapuso star kaya’t huwag daw gaanong malungkot ang fans nito sa Sang’gre.
