Dylan Menor pressured sa serye ng Viva

PUSH NA’YAN
ni Ambet Nabus

MABENTANG-MABENTA sa mga project si Dylan Menor at nasabi nitong doble ang excitement niya sa Project Loki.

“This is my very first starring role project. Iba ‘yung impact, pero mas iba ‘yung pressure dahil parang nasa iyo ang bigat ng project. But we have a team that makes us feel that this is more of a collaboration, group effort talaga,” pahayag ni Dylan.

Sa nakaraang 2025 MMFF, napanood si Dylan kasama sina Piolo Pascual at Enrique Gil sa Manila’s Finest. May everyday show din siya sa TV5 at may ginagawa pa rin siyang movie na romcom ang dating. Balita ring may gagawin siya sa kanyang singing career.

“So, saan ba namin ililinya si Dylan,” simpleng tanong namin. 

Sagot nito, “for as long as there is work and the management trusts me, sige lang po. Basta kaya ko rin, I will try to do my best. For now, I am happy with where my career path is leading me. Basta nandiyan ang mga audience kung nasaan din ako. ‘Yun po siguro ang linya ko as an artist.”