KALARO: Pagbuo ng Kinabukasan ng Sports sa Pamamagitan ng Isang Pinag-isang Digital Ecosystem

BAGO pa man naging isang Sports Super-App ang KALARO, ang kuwento nito ay nagsimula na sa pagsasanib ng teknolohiya at sports. Ayon sa Founder at CEO na si Jun D. Lasco, nagsimula ang bisyon noong 1984 pa lamang, nang likhain niya ang kanyang unang intellectual property—isang video game na dinebelop gamit ang Radio Shack Pocket PC-II, na may tunog at graphics.

“Ito rin ang panahong napaka-aktibo ko bilang tao,” pagbabahagi ni Lasco. “Mayroon akong matinding hilig sa soccer o football, tennis, mountain biking, pagtakbo, at iba’t ibang uri ng sports.” Mula sa simula, hindi mapaghihiwalay ang teknolohiya at disiplina sa atletika sa paghubog ng kanyang pananaw.

Ang pundasyong ito ang humantong sa paglikha ng KALARO noong 2019. Bagama’t halos tuluyang maputol ang paglalakbay dahil sa pandemya ng COVID-19, nanatiling matatag si Lasco sa pagtupad sa orihinal na bisyon ng platform. “Halos pinatay ng mga taon ng pandemya ang bisyon ng KALARO,” aniya. “Ngunit walang makakapigil sa KALARO na tapusin ang orihinal nitong product vision, na makikita ngayon sa pinakabagong bersyon 3.0—katulad ng isang atleta, hindi tayo sumusuko sa ating mga pangarap.”

Binuo ang KALARO upang tugunan ang mga estruktural na problema sa ecosystem ng sports at esports. Ibinahagi ni Lasco na maraming Pilipinong vlogger at streamer ang gumugugol ng napakaraming oras sa paghahabol ng “views” para lamang kumita. “Para sa nakararami, halos naging makabagong anyo ito ng pagkaalipin sa content creation,” paliwanag niya. Samantala, ang mga tournament at league organizer ay madalas ding nahihirapang kumita kahit na malaki ang personal na puhunan. “May mga malalaking tournament at league organizer na halos walang kinikita kahit gumagastos ng sarili nilang pera para isulong ang kanilang passion sa sports,” dagdag niya.

Para kay Lasco, ang solusyon ay ang kakayahang mag-scale upang mapataas ang kita at awtomasyon para sa pinakamataas na operational efficiency. “Hindi maaaring mag-scale ang isang negosyo kung walang teknolohiya upang palawakin ang abot ng audience at lubos na mapataas ang kita habang tumatakbo sa pinaka-cost-effective na paraan—hindi lamang lokal kundi sa 195 bansa at halos anim na bilyong internet users sa buong mundo,” aniya. “Kaya naman, isang Sports Super-App tulad ng KALARO ay kinakailangan.”

Sa pinakapuso nito, ang KALARO ay binuo para sa mga negosyong nakatuon sa sports. “Ang KALARO ay ginawa para sa mga organisasyong pang-negosyo, mula small hanggang enterprise, na may hilig sa sports ngunit kailangang gumawa ng higit pa sa basta mabuhay,” paliwanag ni Lasco. “Ang tanging paraan ay ang paggamit ng software platform tulad ng KALARO upang mapataas ang monetization—mula sa paghihirap tungo sa pagkakaroon ng makabuluhang kita sa isang episyente at predictable na paraan.”

Nakatuon ang pangmatagalang bisyon ng platform sa paglinang ng mga atleta. “Ang bisyon ng KALARO ay lumikha ng mga world-class at world champion na atleta,” ani Lasco. “Ang tanging paraan para mas gumaling ang mga atleta ay ang patuloy na pagsali sa mga torneo, lokal man o internasyonal.” Sa pamamagitan ng pagsasama ng tournament management, digital identities, monetization, at engagement tools, pinapagana ng KALARO ang tuloy-tuloy na grassroots sports development sa pambansa at pandaigdigang antas.

“Ang KALARO ay isang kumpletong sports ecosystem,” diin ni Lasco. “Ito ang perpektong sasakyan para sa pangmatagalang estratehikong paglago.” Panghuli, ang kamakailang pormal na partnership sa pamamagitan ng isang Memorandum of Agreement (MOA) kasama ang world boxing legend at sports icon na si Manny Pacquiao ay sumasalamin sa pagkakaisa at iisang bisyon ng KALARO at ni dating Senador Manny Pacquiao para sa pambansang grassroots development. (HNT)