Uninvited waging-wagi sa Gawad Tanglaw

PUSH NA’YAN
ni Ambet Nabus

BUKOD sa Best Actress ni Ms Vilma Santos, nanalo rin ang Uninvited ng Best Supporting Actress para kay Nadine Lustre, Best Director for Dan Villegas, Best Story for Dodo Dayao, and Best Picture (Mentorque & Proj 8).

Naka-tie ni Nadine si Sunshine Cruz (Lola Magdalena), habang tie as Best Supporting Actor sina Sid Lucero (Topakk) at Joross Gamboa (Hello, Love, Again). Ka-tie rin ni direk Dan as best director si direk Louie Ignacio (Abenida).

Paliwanag ng pangulo ng Gawad Tanglaw na si Dr. Jayme Ang, “kaya may mga tie o dalawang winners sa isang kategorya ay dahil hindi talaga kayang ma-break ang tie. Gaya sa school, posibleng posible rin ang maraming Cum Laude, Magna o Summa Cum Laude among our nominees.”

Ang iba pang winners na namataan namin mula sa TV category ay sina Kyle Echarri (Best Actor for Pamilya Sagrado), Janice de Belen (Best Actress), Kaila Estrada (Best Supporting Actress), Arnold Reyes (Best supporting Actor), TV Patrol, DZMM Teleradyo at Small Laude (Best Vlogger).

Saglit naming nakatsikahan sina Kyle at Kaila, pero sa susunod na issue na namin i-tsika sa inyo!