HATAW! D'yaryo ng Bayan hatawtabloid.com
PUSH NA’YAN
ni Ambet Nabus
PUSH na push na ang pagiging main concert artists nina songwriter Isha Ponti at Bossa Nova artist Andrea Gutierrez.
Sa Dececember 13, bibida sila sa The Next Ones sa Music Museum na makakasama nila ang isa sa mga icon ng music industry, si Rey Valera.
Kung dati-rati nga ay nagsisilbi lang silang mga ‘front act artists’ ni Rey, ngayon mismong ang mahusay na songwriter-singer ang nagbigay-encouragement sa kanila na maging main concert performers.
“Medyo ambitious po siguro but ‘The Next Ones’ is not just about us, it is also about us paving the way for the next generation,” sey ni Isha na binati nga naming medyo may anggulong kawangis ni Jessica Sanchez.
Sa nasabing concert ay iparirinig ni Isha ang likhang original song ni Rey para sa kanya, na inakala niya noong una na binibiro lang siya.
Iparirinig naman ni Andrea ang version niya ng Walang Kapalit na mismong ibinigay sa kanya.
“Noong nalaman ko na una akong babaeng magco-cover ng ‘Walang Kapalit’ naisip ko totoo po ba? May trust po siya. Overwhelmed and thankful na binigyan niya ako ng hit song,” sey ni Andrea, na may hawig naman kina Janella Salvador at Judy Ann Santos.
But of course may kanya-kanyang strength sina Isha at Andrea na isu-showcase sa concert. May mga collab songs din silang first time nilang gagawin together from upbeat to mellow to pop and love songs.
Ang matatawag na back-to-back concert sa Dec. 13 sa Music Museum ay ididirehe ni Calvin Murphy Neria, habang si Adonis Tabanda naman ang musical director.
