HATAW! D'yaryo ng Bayan hatawtabloid.com
Isumbong mo
kay DRAGON LADY
ni Amor Virata
DELIKADO raw ang pagkakaupo ni former Justice Secretary Boying Remulla bilang kinatawan ng Ombudsman.
Total daw namemeligro ang katayuan ni VP Sara Duterte sa mga kasong isinasangkot sa kanya kaya ganoon na lamang umano ang pagpupursigi ng mga DDS na patalsikin si Pangulong BBM para mag-resign.
Sa October 21, muling nagtatawag ang kampo ng DDS ng malawakang rally o sinasabi nilang People’s Power at isa sa dahilan ay ang pagkakapili kay Boying Remulla sa Ombudsman.
Halatang takot na takot ang mga DDS dahil alam na nila ang posibleng maganap.
Abangan natin sa Oktubre 21 mga kababayan…
Sa rami ng nakausap ko na mga kababayan natin dito sa Metro Manila, marami pa rin ang saludo kay BBM.
Tanong nila, bakit administrasyon ni BBM ang kailangan na sisihin sa flood control gayong 2016 panahon ni dating Rodrigo Duterte nagsimula ang mag-asawang Discaya bilang contractor, samantala si BBM nga ang nagpapaimbestiga.
Asan na ‘yung mga ninakaw sa flood control ng taong 2016…
Hala, dapat ipatawag ng Senado si Senator Mark Villar na nakaupo bilang kalihim ng DPWH sa administrasyon ni PRRD.
