Sarah, Matteo inilunsad bagong record label, may collab sa SB 19

I-FLEX
ni Jun Nardo

UNANG project ng G Music Ph, ang record label na itinatag ng mag-asawang Matteo Guidicelli at  Sarah Geronimo, ang collaboration niya with SB 19, ang Umaaligid, na ngayong July 30 ang labas.

Bale ikatlo nang business ng mag-asawa  ang record label. Una nilang itinayo ang unang G Productions PH at The G Studio PH.

Sa bahagi ng Instagram post ni Matteo, “For over 22 years, Sarah has poured her heart and soul into music. Today she takes the next step: not just to be creatively empowered, but to own the music she creates – her work, her art, her legacy.”

Pinasalamatan ni Matteo ang kanilang mentors, management, at partners na nag-guide sa kanila sa loob ng maraming taon.

“Let’s go, G Music!” saad sa huli ni Matteo.