AshDres lumalalim ang pagkakaibigan

PUSH NA’YAN
ni Ambet Nabus

HINDI direktang sinagot nina Andres Muhlach at Ashtine Olviga kung senyales na ba ang Minamahal movie na pormal na nga silang magka-love team?

Grabe kasi ang bardagulan ng mga supporter nila na hindi pumapayag na maging sila bilang officilial love team lalo’t sinusukat din nila ang lakas ng Ashtine-Rabi Angeles tandem.

Sey ni Andres, “as much as possible po talaga, we try to please them all. But they all have their own preferences at hindi natin mapipilit ang lahat. Kung ano po ang ibinibigay sa amin na trabaho, we are here to fulfill and obey.”

Susog naman ni Ashtine, “okey naman po kami kahit magkakaiba ang kapareha. For as long as maganda ang project at ang management po namin ang nagsasabi, we are here to deliver.”

Meanwhile, sinagot ni Andres na hindi mahirap mahalin ang isang Ashtine. Sa lumalalim nilang friendship, mas importante na ma-build ang full trust and confidence sa isa’t isa dahil nagkakatulungan sila sa kanilang mga career.

Sisimulan pa lang na i-shoot ang Minamahal, 100 Bulaklak Para kay Luna under direk Jason Paul Laxamana, pero teaser pa lang ang ipinalalabas sa socmed ay milyon-milyon na ang engagement nito.