Pinay Int’l singer Jos Garcia at Maestro Rey may collab 

MATABIL
ni John Fontanilla

EXCITED ang Pinay International singer na si Jos Garcia na bumalik muli sa Pilipinas para i-promote ang kanyang bagong awiting Iiwan Kita na mula sa komposisyon ni Maestro Rey Valera.

Naka-base sa Japan si Jos na nagpe-perform sa mga 5 star hotels sa nasabing bansa.

Bago matapos ang taon ay babalik ito ng bansa at lilibot sa iba’t ibang radio at TV show para i-promote ang kanyang awiting Iiwan Kita.

Ang Iiwan Kita ay available na sa lahat ng digital streaming platforms, habang ang music video nito ay mapapanood sa kanyang Youtube Channel,  Jos Garcia.