Ivana nasa US, tahimik sa demanda ni Nikki Benitez

PUSH NA’YAN
ni Ambet Nabus

HINDI makompirma ng aming source kung kailan babalik ng bansa si Ivana Alawi na balitang nasa USA pa (o baka nga nakabalik na as of this writing?)

Simula kasi nang pumutok ang eskandalo sa pagkakasangkot niya sa demanda ni Mrs. NIkki Benitezlaban sa asawa nitong si Congressman Albee Benitez, wala pa rin ni anumang pahayag ang nanggaling sa kampo ni Ivana.

Basta ang tsika ng kanyang management ay hindi sila maglalabas ng anumang statement hangga’t walang go-signal o hindi nila nakakausap ang actress-vlogger.

Sa ngayon ay sinusubaybayan ng madla ang mga dramang magaganap sa legal na aksiyon na ginawa ng asawa ni Cong. Albee dahil bukod kay Ivana, nadawit na rin ang names nina Andrea del Rosario at Daisy Reyes, na umano’y naanakan din ng kongresista.