Ahtisa nakakuha ng 7k votes sa Quezon (Kahit nag-withdraw na)

MATABIL
ni John Fontanilla

BAGAMAT nag-withdraw sa kanyang kandidatura bilang konsehal sa Candelaria, Quezon ang Miss Universe Philippines 2025 Ahtisa Manalo, may mga bumoto pa rin sa kanya.

Katunayan, umabot sa 7,261 votes ang nakuha ni Ahtisa sa katatapos na  midterm elections.

Nag-file ng candidacy noong October 2024 si Ahtisa pero ‘di na tumuloy dahil muling sumali sa 2025 Miss Universe Philippines na muli niyang ini-represent ang Quezon Province. Masuwerteng nasungkit ang Miss Universe Philippines Crown at siyang magri-represent sa 2025 Miss Universe na gaganapin sa Thailand.