Maja nagpa-sexy muna bago bumalik sa showbiz 

I-FLEX
ni Jun Nardo

NAGBAWAS muna si Maja Salvador ng manas-manas bago tuluyang bumalik sa showbiz.

Ang hosting ng game show na Emojination na nasa Season 5 na ang kanyang piniling balikan dahil magaan para sa kanya ang hosting at maigsi ang oras na ginagawa niya ang show.

“Naisasama ko rin sa taping si Maria (anak nila ni Rambo). Siya nga ang may-ari ng dressing room ko! Hahaha!” rason ni Maja sa unang bnalikan na show.

Sa Season 6, pasok bilang co-hosts ni Maja ang mga komedyanteng sina Chammy at Chad Kinis.

May bagong segment ding aabangan sa show na sa May 17, Saturday, ang simula, 5:30 p.m..

Isang teleserye at movie ang nakatakda ring gawin ni Maja.