HATAW! D'yaryo ng Bayan hatawtabloid.com
PUSH NA’YAN
ni Ambet Nabus
GRABE talaga kung mag-isip ang mga netizen.
Nang dahil sa pamboboljak ni Ms. U Gloria Diaz kay Phillip Salvador kaugnay ng sustento sa anak, nakaisip ng pagbuo ng party list ang netizen.
Posible nga raw na mas makaa-attract ng publicity si kuya Ipe kung makakasama niya sina Paolo Contis at Buboy Villar na kapwa niya may imahe sa madlang pipol bilang mga “ama” na hindi nagsusustento sa mga anak nila.
“Naku tiyak na lagi silang nasa balita. Mas matatandaan silang lalo ng mga tao,” kantiyaw pa ng netizen.
Sa pag-ambisyon kasi ni Phillip na makahanay sa senado ang mga bff niyang sina Sen. Bong Revilla at Jinggoy Estrada, with Lito Lapid at Robin Padilla pa, baka nga lahat na lang ng makapagpapa-ingay ng kanyang name ay gagawin niya.
At dahil napansin siya ni Gloria nang sa isang rally ay sumigaw-sigaw siya ng “bring him home,”referring to former President Digong Duterte na nakakulong sa The Hague, Netherlands, ayun, napag-usapan siya ng wagas.
Ibang klase rin itong si Ms. U Tita Glo natin noh! Ayaw paawat pagdating sa pagiging mataray at outspoken hahaha!
