Janine at Echo magko-collab sa docu film ni Mamita Pilita

PUSH NA’YAN
ni Ambet Nabus

MALUNGKOT ang showbizlandia sa pagpanaw ng Asia’s Queen of Songs Pilita Corrales last Saturday, April 12.

Eighty seven years old si Mamita (tawag kay Pilita) na medyo matagal ding hindi nakita sa mga showbiz event maliban sa madalas na pag-post sa socmed ng mga anak na sina Jackie Lou Blanco at Ramon Christopher, at higit ni Janine Gutierrez.

Actually si Janine ang nagbalita sa kanyang IG account tungkol sa pagyao ng isa sa mga haligi ng music, TV and movie industry.

Kababalita nga lang natin halos na magkakaroon ng collab project sina Janine at Jericho Rosales tungkol sa pag-produce ng documentary film on Mamita.

May mga initial talk na on this at si direk Baby Ruth Villarama nga ang napipisil ni Janine na magdirehe nito.

Here’s sending our sincerest prayers and condolences to the family of Mamita Pilita. Indeed, nawalan na naman ng isang haligi ang industriyang ito.

Rest in Peace po.