Sen Imee ipinagdarasal mabilis na paggaling ni Hajji 

I-FLEX
ni Jun Nardo

PRANGKA at walang off the records kay Senator Imee Marcos nang humarap siya sa media sa Pandesal Forum ng Kamuning Bakery and Café ni Wilson Flores noong Biyernes.

Bahagi ng pagiging Chairman ng Foreign Relations ni Sen. Imee ang imbestigasyong isinagawa sa pagdakip kay former President Rodrigo Duterte.

Kaibigan ng senador ang mga Duterte at wala itong kinalaman sa muli niyang pagtakbo bilang senador. Hindi pa tapos ang report na gagawin niya kaya baka magkaroon ng second hearing.

Sa mediacon, natanong din ang reaksiyon ng senador sa cyberlibel case ni Darryl Yap.“Matalino si Daryly at alam kong lalaban ‘yan!” sagot ni Sen. Imee.

Pati ang presence ni Senator Robin Padilla sa Hague, Netherlands, saad ni Sen. Imee, “Mabuhay si Robin!”

May mga tanong ‘din tungkol sa kapatid siyang si PBMM pero hayaan na ninyong sa TV at hard news reporter ang mag-report nito.

Basta pagdating sa entertainment, ipinagdarasal din ng senadora ang mabilis na paggaling ng singer na si Hajji Alejandro na naging bahagi ng OPM contest noong panahon ng yumaong ama niya.

Basta para kay Sen Imee, patuloy pa rin ang contest na project niya sa paglikha ng OPM songs na ang premyo ng magwawagi ay P1-M, huh!